“Vivyo hivyo ulimi nao ni kiungo kidogo, nao hujivuna majivuno makuu. Angalieni jinsi moto mdogo uwashavyo mstu mkubwa sana. Nao ulimi ni moto; ule ulimwengu wa uovu, ule ulimi umewekwa katika viungo vyetu, nao ndio uutiao mwili wote unajisi, huuwasha moto mfululizo wa maumbile, nao huwashwa moto na jehanum.”
Tuna uwezo juu ya mawazo yetu na ulimi wetu
Kila kitu tunachosema kinatokana na mawazo yetu, na mawazo yetu yanaathiriwa na tamaa za dhambi ambazo zinafanya kazi kikamilifu katika asili yetu ya kibinadamu (Yakobo 1:14). Ikiwa hatuko macho, tunaweza kuanza kusengenya au kusema maovu kwa urahisi. Ulimi wetu unaweza kwa urahisi kuwa nguvu inayoharibu mwili wetu wote na kuathiri maisha yetu yote. Kisha ulimi wetu wenyewe huwashwa moto na jehanamu yenyewe.
Je, tunaanzia wapi kushinda kuzimu hii? Ni lazima ianze katika maisha yetu ya mawazo. Hatuwezi kuepuka kujaribiwa, lakini tunaweza kuelekeza mawazo yetu mbali na tamaa za dhambi katika asili yetu. Haiwezekani, unasema. La, inawezekana, kwa kuwa Yesu asema, “Kwa nini mnafikiri mambo haya?” Marko 2:8. Hilo linaonyesha kwamba tunaweza kulaumiwa kwa kujiingiza katika mawazo ya dhambi. Ni mawazo haya ya dhambi, mabaya ambayo yanaongoza ulimi wetu, na kwa ulimi wetu mawazo haya mabaya hutumwa kila upande ili "misitu mikubwa iwashwe moto", kumaanisha kwamba wale wote wanaosikiliza watapata ushawishi wao wa uharibifu.
Andiko la Methali 12:18 linasema kwamba kuna watu wengi wanaosema maneno ya kipuuzi yanayochoma kama upanga. Na Mithali 12:23 inasema kwamba “…wapumbavu hueneza upumbavu kila mahali.”
Akili zetu huamua kama mawazo ni mazuri au mabaya, yawe yanatoka katika chanzo safi au kibaya. Kila kitu kinachotoka kwenye chanzo kizuri kinapaswa kuruhusiwa ndani ya mioyo yetu kwa sababu kitakuwa na matokeo mazuri. Lakini ni lazima tuache mawazo ya dhambi na mabaya.
Tumepokea uwezo wa kusema “Hapana” kwa lililo baya na “Ndiyo” kwa lililo jema; na kwa hivyo pia tumepokea uwezo juu ya mawazo yetu na ulimi wetu. Hatupaswi kufikiria au kusema maovu. Hii inatumika kwa maeneo ambayo tunajua tofauti kati ya mema na mabaya. Hapa ndipo tunapohitaji kuwa macho.
Fanya bidii kushinda!
Yakobo anaandika, “Hakuna mtu awezaye kuufuga ulimi ... Baraka na laana hutoka katika kinywa kimoja.” Lakini kisha anasema, “Ndugu zangu, kadalika chemchemi haiwezi kutoa maji ya chumvi na maji matamu” Yakobo 3:8-11 (K. Hii inaonyesha kwamba unaweza kuzuia mawazo mabaya yasiingie akilini mwako. Hapa mimi na wewe lazima tuwe macho. Tunaweza kuzuia ulimi wetu usinene mabaya wakati tumeacha uovu katika mawazo yetu.
Kusema maovu na kuandika maovu ni kitu kimoja kwani katika hali zote mbili mtu ameruhusu uovu uingie akilini mwake, akili ambayo ilipaswa kumtumikia Mungu (Warumi 7:25) .
Ikiwa tumekuwa tukifikiri au kusema maovu, inatubidi kukubali na kusema kwa uthabiti Hapana kwa mawazo kama hayo tena, na ikiwa tumewaumiza wengine kwayo, lazima tuwaombe msamaha. Katika hali kama hizi tuna nafasi nzuri ya kujizoeza kuishi maisha ya kumcha Mungu (1 Timotheo 4:7).
Fikiria kwamba tunaweza kufanya kazi na kujizoeza kwa njia ambayo tunaweza kushinda katika mawazo, maneno, na matendo. Na ikiwa tutajikwaa wakati wa mafunzo haya, tunapaswa kuendelea hadi tushinde kabisa!