Ukristo unakuja kwa gharama kubwa. Katika 1 Yohana 2:6 inasema kwamba "Yeye asemaye ya kuwa anakaa ndani yake, imempasa kuenenda mwenyewe vile vile kama yeye alivyoenenda." Ikiwa unataka kuwa Mkristo, Biblia inakuambia kwamba unahitaji kuacha mapenzi yako mwenyewe na kuishi maisha yale yale ambayo Yesu aliishi. Kuwa Mkristo maana yake ni kwamba “wala si mimi tena, bali Kristo yu hai ndani yangu.” Wagalatia 2:20. Sio tu kitu unachofanya kwa wakati wako wa ziada. Inachukua maisha yako yote.
Kwa nini utoe maisha yako yote kwa ajili ya hili?
Ni nini kinachofanya Ukristo kuwa wa pekee kiasi kwamba unapaswa kutoa maisha yako yote kwa ajili yake? Je, ni kweli inastahili gharama , kuwa Mkristo?
Tunasoma katika Mathayo 16:25, “Kwa kuwa mtu atakaye kuiokoa nafsi yake, ataipoteza; na mtu atakayepoteza nafsi yake kwa ajili yangu, ataiona.” Inamaanisha nini kupoteza maisha yako kwa ajili ya Yesu? Na nini maana ya kuipata? Kupoteza maisha ni kuacha mapenzi yako mwenyewe. Hapo ndipo unaposema, “Bwana, nimeamua kwamba maisha yangu ni yako, fanya nayo utakavyo .”
Na kuipata, ndipo Bwana anapokuambia tena, “Asante, nitakutunza, na nitakupa amani kuu na furaha katika maisha haya, na katika umilele.”
Kubarikiwa sana
Imeandikwa katika Malaki 3:10, “Leteni zaka kamili ghalani, ili kiwemo chakula katika nyumba yangu, mkanijaribu kwa njia hiyo, asema Bwana wa majeshi; mjue kama sitawafungulia madirisha ya mbinguni, na kuwamwagieni baraka, hata isiwepo nafasi ya kutosha, au la” Fikiria hilo! Utabarikiwa sana hata hakutakuwa na nafasi ya kutosha kuipokea!
Lakini lazima utoe maisha yako mwenyewe kwanza.
"Bwana, si mapenzi yangu, bali yako yatendeke."
Unapomruhusu Mungu aingie moyoni mwako na kufanya kile anachosema, ndipo utaona kwamba kule anakokupeleka ni bora zaidi kuliko kule ulipokuwa ukienda hapo awali. Inaweza kuwa vigumu kumkabidhi kila kitu. Lakini usipofanya hivyo, Mungu hawezi kamwe kufanya kazi maishani mwako. Hawezi kukusaidia ikiwa bado unaendelea kufanya mambo kwa njia yako mwenyewe.
Kutoa kila kitu kwa ajili ya Mungu hakutokei peke yake. Biblia inakwambia kutakuwa na vita vya kupigana. Kwa mfano, unapotaka kukasirika, na Mungu anakuambia kwamba lazima unyamaze. Ikiwa utafanya kile anachokuambia, basi umeacha mapenzi yako mwenyewe na unaweza kusema kweli, "Bwana, si mapenzi yangu, bali yako yatendeke." Labda hujisikii kufanya mapenzi ya Mungu, hakuna kitu ndani yako kinachotaka kukifanya. Lakini ukiwa bado unafanya yale ambayo Mungu anakwambia, basi unaweza kusema kweli, "Si mimi tena ninayeishi, bali Kristo anaishi ndani yangu." Kisha Mungu anakupa ushindi!
Na unakuwa na furaha zaidi ya ulivyokuwa hapo awali.
Napata faida gani kutokana nayo?
Maisha yako yote yamejaa fursa kama hii. Labda unaona kwamba asili yako ya kibinadamu inainuka tena na tena ndani yako. Unahisi hasira, kukosa subira au wivu unaoishi kwa undani sana katika asili yako. Labda unahisi: “Siwezi kuacha maisha yangu. Sitaki kuishi kama Yesu. Nataka kufanya ninachotaka. Kwa nini nifanye mambo kwa njia ya Mungu? Nitapata nini kutokana nayo kwa ajili yangu?"
Unachopata ni kwamba Mungu anakufurahisha! Hujui jinsi ya kujifurahisha. Unafikiri unafanya hivyo, labda hata unajiona kuwa na furaha sasa, lakini kuishi kulingana na mapenzi yako mwenyewe ni baridi, furaha tupu ambayo inatoweka haraka na unabaki ukiwa mtupu kuliko hapo awali.
Maisha ya furaha ya kweli
Maisha ya kufanya mapenzi yako inapotezwa; siku zote utakuwa unatafuta njia za kuwa na furaha lakini utapata inaishia kwenye utupu.
Lakini ukiamua kumpa Mungu maisha yako basi maisha yako yatajaa furaha. Na muda mfupi ambao uko duniani utajawa na furaha ya kweli. Lakini kuna zaidi ya hayo.
Mungu anakupenda sana kiasi kwamba anataka uwe na furaha milele. Wakati katika maisha yako hapa duniani umekuwa ukichagua kusema, “Ndiyo, nataka kufanya yale ambayo Mungu anataka nifanye, badala ya yale ambayo matamanio yangu yanataka nifanye,” basi unapata maisha mengine bora zaidi kuliko yale ya mwanzo. Hii ni ya milele!
Kwa hivyo unapouliza, "Je! ni ya thamani?" kumbuka unafanya biashara katika maisha yako ya zamani yaliyojaa kutokuwa na uhakika na anasa tupu, kwa maisha mapya kabisa; maisha ambayo ni bora sana hata huwezi kuyalinganisha!
Je, hiyo haifai basi? Je, si thamani kuacha maisha yako ya zamani kwa kubadilishana na furaha ya milele na wokovu? Mungu anakusubiri utoe maisha yako ili akupe kile alichoahidi. Anakutakia mema pia. Huna budi kumwendea Yeye kwanza.
